دنیا
صومالی بحری قزاقوں کے ہاتھوں یرغمال 11 پاکستانیوں کی زندگی خطرے میں، اہل خانہ کی دہائی

شدید ذہنی اذیت سے دوچار اہل خانہ نے وزیراعظم پاکستان اور عسکری قیادت سے ہنگامی بنیادوں پر اقدامات کرنے کی اپیل کی ہے۔ یرغمالی یاسر خان کی اہلیہ نے حکومت سے فوری سفارتی و عسکری مداخلت کا مطالبہ کیا ہے، جبکہ کاشف عمر کی اہلیہ نے تجویز دی ہے کہ اس حساس معاملے کے لیے ایک خصوصی کمیٹی تشکیل دی جائے اور ایک فوکل پرسن مقرر کیا جائے جو متاثرہ خاندانوں کو لمحہ بہ لمحہ صورتحال سے باخبر رکھے۔ متاثرہ خاندانوں کا کہنا ہے کہ ان کے پیاروں کی باحفاظت واپسی ہی ان کی واحد تمنا ہے اور ریاست کو اپنی ذمہ داری پوری کرتے ہوئے ان پاکستانی شہریوں کی واپسی کے لیے ہر ممکن ذریعہ استعمال کرنا چاہیے۔



