دنیا

جب تک امریکی بحری حصار ختم نہیں ہوتا، کوئی بات چیت نہیں ہوگی ایران کادوٹوک فیصلہ

ایران اپنی شرائط پر قائم؛ جب تک امریکی بحری حصار ختم نہیں ہوتا، کوئی بات چیت نہیں ہوگی: تسنیم نیوز
ایران اپنی شرائط پر قائم؛ جب تک امریکی بحری حصار ختم نہیں ہوتا، کوئی بات چیت نہیں ہوگی: تسنیم نیوز
تہران (مانیٹرنگ ڈیسک/ رائٹرز): مشرقِ وسطیٰ میں جاری شدید کشیدگی کے خاتمے کے لیے پاکستان کی میزبانی میں ہونے والے متوقع مذاکرات کو اس وقت بڑا دھچکا لگا جب ایرانی حکومت نے فی الحال اپنا کوئی بھی وفد پاکستان نہ بھیجنے کا اعلان کر دیا۔ ایرانی نیم سرکاری خبر رساں ایجنسی “تسنیم” نے اتوار کے روز اپنی خصوصی رپورٹ میں واضح کیا ہے کہ جب تک ایران کی “بحری ناکہ بندی” مکمل طور پر ختم نہیں کی جاتی، ایران کسی بھی مذاکراتی عمل کا حصہ نہیں بنے گا۔
رپورٹ کے مطابق ایرانی قیادت نے یہ فیصلہ امریکی دباؤ اور خطے میں بڑھتی ہوئی عسکری موجودگی کے تناظر میں کیا ہے۔ ایرانی حکام کا موقف ہے کہ ایک طرف ایران کے تجارتی اور دفاعی راستوں کو بحری ناکہ بندی کے ذریعے مفلوج کرنا اور دوسری طرف مذاکرات کی دعوت دینا تضاد پر مبنی پالیسی ہے۔ ایران نے واضح کر دیا ہے کہ وہ کسی بھی قسم کے دباؤ کے تحت میزِ گفتگو پر نہیں آئے گا بلکہ اس کے لیے سازگار اور منصفانہ ماحول کی فراہمی پہلی شرط ہے۔
دوسری جانب، سفارتی حلقوں میں ایران کے اس فیصلے کو امریکہ کے لیے ایک سخت پیغام کے طور پر دیکھا جا رہا ہے۔ یاد رہے کہ امریکی نائب صدر جے ڈی وینس اور دیگر اعلیٰ حکام نے پاکستان کے دورے اور ایران کے ساتھ بات چیت کا عندیہ دیا تھا، تاہم ایران کے اس تازہ ترین اعلان نے مذاکراتی عمل کے آغاز پر سوالیہ نشان لگا دیا ہے۔ ماہرین کا کہنا ہے کہ اگر بحری ناکہ بندی کا معاملہ فوری حل نہ ہوا تو خطے میں سفارتی کوششیں تعطل کا شکار ہو سکتی ہیں، جس کے نتیجے میں کشیدگی میں مزید اضافے کا خدشہ ہے۔

متعلقہ خبریں

Leave a Reply

Your email address will not be published. Required fields are marked *

Back to top button