دنیا
ایرانی ناکہ بندی ختم ہونے تک مذاکرات نہیں ہوں گے، ایرانی حکومت کا واضح اعلان

ایرانی نائب صدر محمد رضا عارف نے اپنے ایک بیان میں امریکہ کے رویے پر تنقید کرتے ہوئے کہا کہ مذاکرات کے دوران امریکہ کبھی نرم اور کبھی سخت رویہ اختیار کرتا ہے، تاہم ایران کا مذاکراتی وفد ملکی مفادات کا بہادری سے دفاع کر رہا ہے۔ انہوں نے آبنائے ہرمز کی اہمیت پر زور دیتے ہوئے کہا کہ اس اہم گزرگاہ کا مستقل کنٹرول ایران کے پاس ہونا چاہیے۔
محمد رضا عارف نے مزید کہا کہ اگر آبنائے ہرمز پر ایران کا مکمل کنٹرول قائم ہو جائے تو عالمی پابندیاں بے اثر ہو جائیں گی اور ملک کو کسی پابندی کی فکر نہیں رہے گی۔ انہوں نے واضح کیا کہ آبنائے ہرمز کی نگرانی اور انتظام صرف ایران کے پاس ہونا چاہیے، جو کہ ملکی معیشت اور دفاع کے لیے ناگزیر ہے۔



