سکیورٹی فورسز کی فائرنگ،2 افغان خواتین جاں بحق،3 افراد زخمی
February 23, 2026
گاڑی نہ روکنے پر پیش آیا واقعہ، متعدد افغان باشندوں کو حراست میں لے لیا گیا,پنجگورپولیسپنجگور(یو این اے )پنجگور کی تحصیل پروم کے علاقے پھل آباد میں سکیورٹی فورسز کی فائرنگ سے دو افغان خواتین جاں بحق جبکہ ایک خاتون سمیت تین افراد زخمی ہوگئے۔پولیس ذرائع کے مطابق پیک اپ گاڑی میں افغان باشندے سوار تھے جو تربت سے بذریعہ سڑک غیر قانونی طور پر سرحد عبور کرکے ایران جانا چاہتے تھے۔ پھل آباد کے مقام پر سکیورٹی فورسز نے گاڑی کو رکنے کا اشارہ کیا تاہم گاڑی نہ روکنے پر فائرنگ کی گئی۔فائرنگ کے نتیجے میں بی بی گل زوجہ خان محمد ساکن ہرات اور ملائکہ زوجہ کریم اللہ ساکن ہلمند جاں بحق ہوگئیں۔ زخمیوں میں خاطرہ/خزام ساکن ہرات، علی احمد ولد عبدالحمید اور مصطفی ولد حاجی محمد گل شامل ہیں۔زخمیوں اور لاشوں کو ٹیچنگ ہسپتال پنجگور منتقل کردیا گیا ہے۔ ذرائع کے مطابق واقعے کے بعد متعدد افغان باشندوں کو حراست میں لے لیا گیا ہے۔