
راولپنڈی(یو این اے)ایرانی وزیر داخلہ سکندر مومنی نے جنرل ہیڈ کوارٹرز (جی ایچ کیو) کا دورہ کیا جہاں انہوں نے چیف آف آرمی اسٹاف فیلڈ مارشل سید عاصم منیر سے ملاقات کی۔آئی ایس پی آر کے مطابق ملاقات کے دوران باہمی دلچسپی کے امور، علاقائی و دو طرفہ سیکیورٹی صورتحال اور مثر بارڈر مینجمنٹ سمیت مختلف معاملات پر تبادلہ خیال کیا گیا۔ایرانی وزیر داخلہ نے علاقائی کشیدگی میں کمی کے لیے پاکستان کی مسلسل کوششوں کو سراہتے ہوئے خطے میں امن کے فروغ کے لیے پاکستان کے سفارتی کردار کی تعریف کی۔ملاقات میں ایرانی وزیر داخلہ نے پاکستان کو خطے میں امن و استحکام کا اہم ستون قرار دیا، جبکہ دونوں ممالک نے علاقائی سلامتی، باہمی تعاون اور رابطوں کو مزید مضبوط بنانے کے عزم کا اعادہ کیا۔پاکستان اور ایران نے باہمی خوشحالی اور خطے میں دیرپا امن کے قیام کے لیے تعاون مزید بڑھانے پر اتفاق کیا۔



