
مستونگ (یو این اے )بلوچستان کے ضلع مستونگ میں کھڈ کوچہ کے علاقے انجیری کراس اور کھڈ کوچہ کے درمیان این-25 قومی شاہراہ پر نامعلوم افراد نے ایک پل کو دھماکے سے تباہ کردیا۔حکام کے مطابق دھماکے کے نتیجے میں کوئی جانی نقصان نہیں ہوا، تاہم پل کو نقصان پہنچنے کے باعث قومی شاہراہ پر ٹریفک کی روانی متاثر ہوئی ہے۔واقعے کے بعد متعلقہ حکام نے صورتحال کا جائزہ لینا شروع کردیا ہے، جبکہ شاہراہ پر آمدورفت کی بحالی کے لیے اقدامات کیے جارہے ہیں۔



