بلوچستانتازہ ترینپاکستان

محکمہ آبپاشی بلوچستان کے قیمتی گاڑیاں نیلام کرنے والاڈپٹی ڈائریکٹر طلحہ بگٹی گرفتار

ایکسیویٹر صرف 11 لاکھ روپے پوٹوہار جیپ صرف 70 ہزار روپے میں نیلام کیا گیا

اینٹی کرپشن کا مقدمہ در ج مزید گرفتاریوں کا امکان صوبائی وزیر کا بیٹا بھی شامل ہے

اینٹی کرپشن کا مقدمہ در ج مزید گرفتاریوں کا امکان صوبائی وزیر کا بیٹا بھی شامل ہے

کوئٹہ (یو این اے) محکمہ آبپاشی بلوچستان کے قیمتی سرکاری اثاثوں، گاڑیوں اور بھاری مشینری کو مبینہ طور پر انتہائی کم قیمت پر نیلام کیے جانے کے معاملے پر اینٹی کرپشن اسٹیبلشمنٹ بلوچستان نے مقدمہ درج کرکے تحقیقات کا دائرہ وسیع کردیا ہے۔ کارروائی کے دوران جیو لوجسٹ و ڈپٹی ڈائریکٹر طلحہ بگٹی کو گرفتار کرلیا گیا، جبکہ دیگر مبینہ ملزمان کی گرفتاری کے لیے چھاپوں کا سلسلہ جاری ہے۔ذرائع کے مطابق محکمہ آبپاشی بلوچستان کی سرکاری گاڑیوں اور بھاری مشینری کی نیلامی میں مبینہ بے ضابطگیوں، اثاثوں کی کم قیمت مقرر کیے جانے اور قومی خزانے کو ممکنہ طور پر کروڑوں روپے کے نقصان کے الزامات سامنے آنے کے بعد اینٹی کرپشن اسٹیبلشمنٹ نے فوجداری کارروائی شروع کی۔ذرائع کا کہنا ہے کہ تحقیقات میں یہ جائزہ لیا جارہا ہے کہ سرکاری گاڑیوں اور بھاری مشینری کی اصل مالیت کے مقابلے میں ان کی نیلامی کس بنیاد پر کم قیمت پر کی گئی اور اس پورے عمل میں محکمہ آبپاشی کے متعلقہ افسران و اہلکاروں کا کیا کردار رہا۔طلحہ بگٹی گرفتار، مزید گرفتاریوں کا امکانمبینہ بے ضابطگیوں کی تحقیقات کے دوران جیو لوجسٹ و ڈپٹی ڈائریکٹر طلحہ بگٹی کو گرفتار کرلیا گیا ہے۔ ذرائع کے مطابق مقدمے میں نامزد یا مبینہ طور پر ملوث دیگر افراد کی گرفتاری کے لیے اینٹی کرپشن بلوچستان کی ٹیمیں مختلف مقامات پر کارروائیاں کررہی ہیں۔ابتدائی تحقیقات میں اہم شواہد سامنے آنے کا دعویذرائع کے مطابق معاملے کی ابتدائی تحقیقات ڈپٹی ڈائریکٹر انویسٹی گیشن فرید سخی اور ڈپٹی ڈائریکٹر انویسٹی گیشن شیخ منیر مندوخیل نے کیں۔ تحقیقات کے دوران سرکاری ریکارڈ، نیلامی کے طریقہ کار، اثاثوں کی قیمتوں کے تعین اور متعلقہ افسران و اہلکاروں کے کردار کا جائزہ لیا گیا۔ذرائع کے مطابق ابتدائی تحقیقات میں مبینہ بے ضابطگیوں کے شواہد سامنے آنے کے بعد معاملہ فوجداری کارروائی کے لیے آگے بڑھایا گیا، جبکہ مقدمے کی مزید تفتیش انویسٹی گیشن افسر عزیز احمد کے سپرد کردی گئی ہے۔تحقیقاتی حکام کی جانب سے نیلامی کے پورے عمل کی چھان بین کی جارہی ہے۔ اس سلسلے میں سرکاری گاڑیوں اور بھاری مشینری کی اصل مالیت، تخمینہ، مقررہ قیمت، نیلامی کے اشتہارات، بولی کے عمل، کامیاب بولی دہندگان اور سرکاری خزانے میں جمع ہونے والی رقم سمیت تمام متعلقہ ریکارڈ کا جائزہ لیا جارہا ہے۔ذرائع کے مطابق تحقیقاتی ٹیم اس امر کا بھی تعین کررہی ہے کہ نیلامی کے عمل میں شامل افسران اور اہلکاروں نے سرکاری قواعد و ضوابط اور اپنے قانونی فرائض کی کس حد تک پابندی کی۔قومی خزانے کو مبینہ کروڑوں روپے کے نقصان کا پہلو زیرِ تفتیش تحقیقات میں یہ اہم پہلو بھی شامل ہے کہ اگر سرکاری اثاثوں کی نیلامی واقعی ان کی اصل مالیت سے غیر معمولی طور پر کم قیمت پر کی گئی تو اس کے نتیجے میں قومی خزانے کو ہونے والے مالی نقصان کا تعین کیا جائے۔ذرائع کے مطابق اینٹی کرپشن حکام اس بات کا بھی جائزہ لے رہے ہیں کہ آیا نیلامی کے عمل میں کسی فرد یا گروہ کو مبینہ طور پر مالی فائدہ پہنچایا گیا اور اگر ایسا ہوا تو اس میں کون کون سے افسران یا اہلکار ملوث تھے۔اینٹی کرپشن ذرائع کے مطابق تحقیقات کسی ایک شخص تک محدود نہیں بلکہ محکمہ آبپاشی بلوچستان میں مذکورہ نیلامی کے پورے عمل اور اس سے وابستہ تمام افراد کے کردار کا جائزہ لیا جارہا ہے۔ سرکاری دستاویزات، نیلامی کمیٹی کے ریکارڈ، مشینری کی قیمتوں کے تعین، اشتہارات، بولی کے مراحل اور کامیاب بولی دہندگان سے متعلق معلومات بھی تحقیقات کا حصہ بنائی جارہی ہیں۔اینٹی کرپشن اسٹیبلشمنٹ بلوچستان کی کارروائی کے بعد معاملہ مزید اہمیت اختیار کرگیا ہے، جبکہ ذرائع کے مطابق تحقیقات میں پیش رفت کے ساتھ مزید گرفتاریاں بھی متوقع ہیں۔ تاہم حتمی ذمہ داری کا تعین تفتیش مکمل ہونے اور متعلقہ قانونی فورم پر شواہد پیش کیے جانے کے بعد ہی ہوگا۔ ذرائع کے مطابق صوبائی وزیر کا بیٹا بھی شامل ہے

متعلقہ خبریں

Leave a Reply

Your email address will not be published. Required fields are marked *

Back to top button