ہلدی ملے دودھ کا استعمال صدیوں سے برصغیر میں جاری، اب مغربی ممالک میں بھی مقبولیت بڑھنے لگی۔

ہلدی ملے دودھ کو عام طور پر گولڈن ملک (Golden Milk) بھی کہا جاتا ہے۔ یہ دودھ اور ہلدی سے تیار کیا جاتا ہے، جبکہ ذائقہ اور خوشبو بڑھانے کے لیے اس میں دار چینی اور ادرک بھی شامل کی جاتی ہے۔روایتی طور پر اسے مختلف گھریلو ٹوٹکوں کے طور پر استعمال کیا جاتا ہے۔ ہلدی میں موجود کرکیومین (Curcumin) نامی جزو سوزش اور آکسیڈیٹیو تنا کے حوالے سے سائنسی تحقیق کا موضوع رہا ہے۔ماہرین کے مطابق اس کے ممکنہ فوائد کے باوجود اسے کسی بیماری کے باقاعدہ علاج یا تجویز کردہ ادویات کا متبادل نہیں سمجھنا چاہیے۔