بلوچستانتازہ ترینپاکستان

سرانان واقعہ حکومت میں موجود کالی بھیڑوں نے کرایا، محمود اچکزئی

سرانان واقعے پر حکومت خاموش کیوں؟

عمران خان کو رات کی تاریکی میں کسی دوسرے اسپتال منتقل کیا گیا، اپوزیشن لیڈر
عمران خان کو رات کی تاریکی میں کسی دوسرے اسپتال منتقل کیا گیا، اپوزیشن لیڈر

پشتونخوا ملی عوامی پارٹی کے سربراہ اور قومی اسمبلی میں اپوزیشن لیڈر محمود خان اچکزئی نے سرانان میں پیش آنے والے واقعے پر حکومت کو شدید تنقید کا نشانہ بناتے ہوئے الزام عائد کیا ہے کہ واقعے کے پس پردہ حکومت کے اندر موجود کالی بھیڑیں ملوث ہیں۔قومی اسمبلی میں خطاب کرتے ہوئے محمود خان اچکزئی نے کہا کہ سرانان میں جو کچھ ہوا، اس پر حکومت کی جانب سے جس ردعمل کا اظہار ہونا چاہیے تھا وہ نظر نہیں آیا۔ انہوں نے کہا کہ کل پرسوں سرانان میں جو کچھ ہوا، اس پر کسی کے کان پر جوں تک نہیں رینگی اور وہ واضح طور پر الزام عائد کرتے ہیں کہ سرانان واقعہ حکومت کے اندر موجود بعض عناصر کا کام ہے۔انہوں نے مطالبہ کیا کہ سرانان واقعے کی مکمل اور غیر جانب دارانہ تحقیقات کرائی جائیں اور ذمہ دار عناصر کو بے نقاب کیا جائے۔ ان کا کہنا تھا کہ بلوچستان پہلے ہی حساس صورتحال سے گزر رہا ہے، ایسے میں کسی بھی واقعے کو معمولی سمجھ کر نظر انداز نہیں کیا جاسکتا۔محمود خان اچکزئی نے الزام عائد کیا کہ حکومت کے اندر بعض عناصر سیاسی معاملات کو خراب اور حکومت و تحریک انصاف کے درمیان معاملات کو سبوتاژ کرنے کی کوشش کر رہے ہیں۔ انہوں نے کہا کہ حکومت کو اپنے اندر موجود ایسے عناصر کے کردار کا تعین کرنا چاہیے۔اپوزیشن لیڈر نے بانی پی ٹی آئی عمران خان کی اسپتال منتقلی کے معاملے پر بھی تحفظات کا اظہار کرتے ہوئے دعوی کیا کہ سپریم کورٹ کے احکامات کے باوجود عمران خان کو رات کی تاریکی میں کسی دوسرے اسپتال منتقل کیا گیا۔انہوں نے سوال اٹھایا کہ اگر عمران خان کو شفا انٹرنیشنل اسپتال منتقل کرنے کے حوالے سے عدالتی احکامات موجود تھے تو پھر اچانک صورتحال تبدیل ہونے کی وجہ کیا تھی۔ انہوں نے حکومت اور متعلقہ حکام سے اس معاملے پر وضاحت کا مطالبہ کیا۔محمود خان اچکزئی نے کہا کہ ملک میں سیاسی معاملات شفاف انداز میں چلنے چاہئیں اور تمام سیاسی قوتوں کو اعتماد میں لے کر مسائل کا حل نکالا جانا چاہیے۔ ان کے مطابق سیاسی اختلافات اپنی جگہ، تاہم آئین، قانون اور جمہوری اصولوں پر سمجھوتہ نہیں ہونا چاہیے۔انہوں نے کہا کہ سرانان واقعے سمیت ان تمام معاملات کی شفاف تحقیقات ضروری ہیں جن پر عوام اور سیاسی جماعتوں کی جانب سے سوالات اٹھائے جارہے ہیں۔ حقائق سامنے آنے سے ہی افواہوں اور شکوک و شبہات کا خاتمہ ممکن ہوگا۔واضح رہے کہ محمود خان اچکزئی کی جانب سے عائد کیے گئے الزامات کی آزادانہ طور پر تصدیق نہیں ہوسکی، جبکہ سرانان واقعے اور عمران خان کی اسپتال منتقلی سے متعلق متعلقہ حکومتی یا ادارہ جاتی موقف سامنے آنا باقی ہے۔

متعلقہ خبریں

Leave a Reply

Your email address will not be published. Required fields are marked *

Back to top button