بلوچستانتازہ ترین

سرانان، سیکیورٹی فورسز کا آپریشن، فتنہ الہندوستان کے 2 دہشت گرد ہلاک

گھیراو، فائرنگ کے تبادلے کے بعد علاقے میں سرچ اینڈ کلیئرنس آپریشن جاری

سرانان، سیکیورٹی فورسز کا آپریشن، فتنہ الہندوستان کے 2 دہشت گرد ہلاک
سرانان، سیکیورٹی فورسز کا آپریشن، فتنہ الہندوستان کے 2 دہشت گرد ہلاک

سرانان( یو این اے) بلوچستان کے علاقے سرانان میں سیکیورٹی فورسز نے دہشت گردوں کے خلاف کامیاب کارروائی کرتے ہوئے فتنہ الہندوستان سے تعلق رکھنے والے دو دہشت گردوں کو ہلاک کر دیا، جبکہ کارروائی کے دوران متعدد دہشت گردوں کے زخمی ہونے کی اطلاعات ہیں ذرائع کے مطابق سیکیورٹی فورسز کو علاقے میں دہشت گردوں کی موجودگی کی اطلاع موصول ہوئی تھی، جس پر فورسز نے فوری کارروائی کرتے ہوئے مشتبہ ٹھکانوں کو گھیرے میں لے لیا۔ کارروائی کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا، جس کے نتیجے میں فتنہ الہندوستان کے دو دہشت گرد ہلاک ہوگئے جبکہ متعدد دہشت گرد زخمی ہوئے ذرائع کا کہنا ہے کہ سیکیورٹی فورسز کی جانب سے کارروائی انتہائی محتاط انداز میں کی گئی، جبکہ ممکنہ طور پر علاقے میں موجود دیگر دہشت گردوں کو فرار ہونے سے روکنے کے لیے مختلف راستوں کی ناکہ بندی بھی کی گئی کارروائی کے فوری بعد سیکیورٹی فورسز نے سرانان کے متاثرہ علاقے کو مکمل طور پر گھیرے میں لے لیا اور دہشت گردوں کی تلاش کے لیے سرچ اینڈ کلیئرنس آپریشن شروع کر دیا گیا۔ سیکیورٹی اہلکار مختلف مقامات کی تلاشی لے رہے ہیں جبکہ مشتبہ افراد اور ٹھکانوں کی بھی جانچ پڑتال کی جا رہی ہے یو این اے کے مطابق کارروائی کے دوران ہلاک ہونے والے دہشت گردوں کی شناخت اور ان کے دیگر ساتھیوں سے متعلق معلومات جمع کی جا رہی ہیں۔ سیکیورٹی ادارے اس بات کا بھی جائزہ لے رہے ہیں کہ علاقے میں دہشت گرد کس مقصد کے لیے موجود تھے اور ان کے ممکنہ اہداف کیا تھے حکام کی جانب سے علاقے میں سیکیورٹی مزید سخت کر دی گئی ہے، جبکہ کسی بھی ممکنہ خطرے سے نمٹنے کے لیے اضافی اہلکار بھی تعینات کیے گئے ہیں۔ سرچ آپریشن مکمل ہونے تک علاقے میں آمدورفت کی نگرانی جاری رکھنے کا فیصلہ کیا گیا ہے سیکیورٹی ذرائع کا کہنا ہے کہ دہشت گردوں کے خلاف کارروائیاں بلاامتیاز جاری رہیں گی اور بلوچستان میں امن و امان کو نقصان پہنچانے کی کوشش کرنے والے عناصر کے خلاف مثر کارروائی کی جائے گی ذرائع کے مطابق سرچ اینڈ کلیئرنس آپریشن کے دوران مزید گرفتاریوں اور اہم پیش رفت کا امکان ہے، تاہم کارروائی سے متعلق مزید تفصیلات سیکیورٹی کلیئرنس کے بعد سامنے آنے کی توقع ہے۔

متعلقہ خبریں

Leave a Reply

Your email address will not be published. Required fields are marked *

Back to top button