
جھل مگسی )یو این اے( جھل مگسی پولیس نے کامیاب کارروائی کرتے ہوئے پنجاب کے ضلع قصور سے 12 جون 2025 کو اغوا ہونے والی لڑکی آمنہ بی بی کو بحفاظت بازیاب کرلیا۔پولیس کے مطابق انٹیلی جنس رپورٹس کی بنیاد پر ایس پی جھل مگسی کی ہدایت پر ایس ایچ او سٹی نے پولیس نفری اور لیڈی کانسٹیبلز کے ہمراہ کارروائی کرتے ہوئے مشتبہ مقام پر چھاپہ مارا۔ کارروائی میں سی آئی اے ٹیم اور پولیس نے مشترکہ طور پر حصہ لیا اور مغوی لڑکی کو بحفاظت بازیاب کرلیا۔پولیس حکام کے مطابق لڑکی کی بازیابی کے بعد قصور کے تھانہ سٹی چونیاں پولیس سے رابطہ کرلیا گیا ہے، جبکہ واقعے سے متعلق مزید قانونی کارروائی شروع کردی گئی ہے۔



