کوئٹہ(یو این اے )بلوچستان اسمبلی میں قائد حزب اختلاف ملک سکندرایڈووکیٹ نے جے آئی ٹی کو انصاف کامذاق اڑانے کے مترادف قراردیتے ہوئے مطالبہ کیاہے کہ سردار عبد الرحمان خود کو قانون کے حوالے کرکے فی الفور وزارت سے استعفا دے یا پھر ہٹایا جائے،چیف جسٹس بلوچستان ہائی کورٹ کی سربراہی میں کمیشن تشکیل دیکر حقائق کو عوام کے سامنے لایاجائے ۔ان خیالات کااظہار انہوں نے اپنے بیان اور دھرنے سے خطاب کرتے ہوئے کیا۔ انہوں نے سانحہ بارکھان واقعے میں انصاف کے منتظر لواحقین کے اجتماع میں شرکت کی اورلواحقین کوہر فورم پر انصاف دلانے کیلئے بھر پور آواز اٹھانے کا اعلان کیااورکہاکہ سردار عبد الرحمان خود کو قانون کے حوالے کرکے فی الفور وزارت سے استعفا دے یا پھر ہٹایا جائے۔بلوچستان ہائی کورٹ کے معزز چیف جسٹس کی سربراہی میں ایک کمیشن بنایا جائے جو بارکھان واقعہ کی پوری تحقیقات کرکے عوام کے سامنے سچ لائے۔ دلخراش واقعہ نے قوم کی اجتماعی ضمیرجھنجھوڑ کر رکھ دئیے۔مجرم چاہے جتنا بھی طاقتور ہو اس کا احتساب ہونا چاہیے۔ بارکھان سانحہ نے ہمارے سماجی تانے بانے کو لفظی طور پر جھٹکا دیا اور ہمارا سر شرم سے جھکا دیابلو حکومت کی طرف سے جو جے آئی ٹی کا حکم دیا گیا ہے وہ محض ایک آنکھ دھونے اور نظام انصاف کا مذاق اڑانے کے مترادف ہے، اس لیے اسے مسترد کر دیا گیا۔ ایک غیرجانبدار عدالتی کمیشن تشکیل دیا جائے جو پورے معاملے کی کھوج لگائے اور علاقے میں پیش آنے والے یکساں واقعات کی مکمل تحقیقات کرے۔
Follow GoonjLive On Facebook , Twitter ,Linkedin, RSS and Youtube
