پاک فوج کے شعبہ تعلقات عامہ(آئی ایس پی آر)کے مطابق بلوچستان کے اضلاع کچھی اور وڈھ میں سکیورٹی فورسز کی کارروائیوں کے دوران فائرنگ کے تبادلے میں 9 دہشت گرد ہلاک ہوگئے۔آئی ایس پی آر کے بیان کے مطابق ضلع کچھی میں سکیورٹی فورسز کی کارروائی کے دوران بھارتی سرپرستی میں سرگرم 7 دہشت گرد مارے گئے، جبکہ فورسز نے دہشت گردوں کے ایک ٹھکانے کو بھی تباہ کردیا۔بیان میں مزید بتایا گیا کہ ضلع وڈھ میں سکیورٹی فورسز کی کارروائی کے دوران مزید 2 دہشت گرد ہلاک ہوئے۔آئی ایس پی آر کے مطابق کارروائیوں کے دوران اسلحہ اور گولہ بارود بھی برآمد کیا گیا ہے۔ بلوچستان میں دیگر دہشت گردوں کے خاتمے کے لیے کلیئرنس آپریشنز جاری ہیں۔
