کراچی (یو این اے)کراچی کے جناح انٹرنیشنل ایئرپورٹ سمیت ملک کے تمام ایئرپورٹس پر وفاقی تحقیقاتی ادارے (ایف آئی اے)ا امیگریشن سسٹم معطل ہونے سے مسافروں کا امیگریشن عمل عارضی طور پر رک گیا، جس کے باعث ایئرپورٹس پر مسافروں کی طویل قطاریں لگ گئیں۔ایئرپورٹ حکام کے مطابق امیگریشن سسٹم میں خرابی کے باعث مسافروں کی امیگریشن کا عمل متاثر ہوا، جس سے انہیں مشکلات کا سامنا کرنا پڑا۔ حکام کا کہنا ہے کہ سسٹم کی معطلی کے باعث ایئرپورٹس پر معمول کی کارروائیاں متاثر ہوئیں۔ذرائع کے مطابق تقریبا دو ہفتے قبل بھی کراچی کے جناح انٹرنیشنل ایئرپورٹ پر ایف آئی اے کا امیگریشن سسٹم بیٹھ گیا تھا، جس سے مسافروں کو مشکلات پیش آئی تھیں۔
